第一次淘到寶

一直都好想淘寶,因為好多野都好靚同平
多謝carmen教我點集運,於是,我終於成功第一次淘寶了!

自從新居張床到貨後
我地一直用住張單人床單
(話時話,真係唔知點解單人得黎咁大張,竟然笠到我地既床)
我地都知道要買,但閒閒地一套幾百蚊走唔甩,於是把心一橫上去睇
咦,好襯我地間房,又係最愛既波點,計埋都只係$140 hkd
抵!!於是買了,carmen仲好好地夾埋一齊運
到手後,我跟佢指示用鹽水浸一浸先洗
果然會有少少顏色水走出黎,但冇甩色
鋪落床後....


我真係好覺得好靚呀!!!!訓落又舒服
今次既成功經驗令我地都有衝動繼續淘,因為實在太抵了!!