我們的新居

其實,其中一樣令我地冇咩點去PLAN結婚野既原因,繼懶之外,就係我們的新居
今年四月左右,收到以下文件














曾經以為綠悠雅苑就係我們未來既家
直頭可以去揀樓,可惜出發左就宣佈賣哂
坦言當時好失望,但神的安排往往很奇妙..

半年後,突然知道一位親友原來一直有個單位以低於市價租畀一個大學生
而個大學生亦已離港,我們可算是一拍,即合
至少可見將來唔會被收樓
2013年12月,租客已交還鎖匙
於是,我們就第一次到新居一看

坦白,貴為老牌屋苑,年紀有番咁上下,加上租客似乎久唔久先住下
上到去,地下有好多好多大舊塵,廚房睇落最四正,其他...都預左會執執佢
業主其實好放心,所以我地點整都得

之後既聖誕假,大清潔後,我地就去下宜家,實惠睇下傢俱
仲買埋油自己油,由於上手極喜歡用膠紙痴野,我地都需要時間去修補牆壁
終於,經過一星期既努力...

我們成功將廳、書房變身,好開心呀!

超靚!!!仲有白色波浪紋!!!
由於我家人打算裝修屋企有可能入住新居,所以睡房暫時未處理
但買左張單人褥,仲買左個牛乸咁大個MON,可以當電視用住先
2013年12月31日,我地仲可以係新居睇住電視倒數!

下一步就慢慢添置傢俬,其實一直好感恩,可以提早執個單位

除左有更多時間,亦唔需要一次過臨尾擺酒先裝修,荷包都冇咁傷..哈哈

上帝,果真早有預備的

我亦感謝MR LI跟我一起經歷一起花心思,雖然有忟既時候,
但我地兩個大頭蝦,轉頭傾番冇事, 繼續為未來而努力,多謝你!