明年今日

明年今日，大舞臺見

日子越來越近，越多人問及我們的進度
嗯，零。

哈哈，好似要做好多野，但，其實真係有Ｄ無從入手
而我地自己開始構思緊張請帖，回禮等

好啦，仲有一年，我地會努力架啦=)

The proposal

自從訂左酒席以來,好多人都問,「佢點同你求婚架?」
而我就會話「其實..佢未求婚架BOR」
「車,咁你都訂左酒席啦,仲洗乜求婚呀?」
以上對話令我明白好多人認為計劃結婚的第一步係求婚
而冇求婚係咩都唔准PLAN同訂既,哈哈
可能畀著以前我都會咁諗,但當你自己經歷過籌備婚禮,你自然會明白
時間唔等人,酒席唔等人,想去心水地方,要快
所以係MR.LI籌備求婚時,同時我地已KO了最被動的酒席!

求婚對我而言係一個承諾的開始,身份的改變
而這個改變,在我生日當天發生了

我生日當日一早訂左酒店,去CHECK IN之後,
MR LI送左舊電話後備電畀我,其實我好開心,因為我好需要
之後,佢話呢排忙緊攪求婚(佢放風話係24/8,叫哂我當日著裙點點點,我堅信不移)所以冇時間預備我生日
我又的確深信,所以丁點嬲都冇
出去tea buffet前,MR LI話打黎問過生日正日有蛋糕送,就去接待處問
番黎就話佢地會送個2LB既小雲立體蛋糕(因為帝景做緊小雲主題),我仲心諗,好好WOR
當日MR LI原本想送我一個最HEA的生日
等我嬲等我忟,當心情跌到谷底時同我求婚
實在好抱歉啦,下午去TEA BUFFET,輕鬆行街我又覺得冇咩,好明顯心情冇被影響

到夜晚再番酒店,沿途佢已經話自己肚痛(我不以為已,因為佢經常肚痛)
我打開雪櫃,見到有個美心朱古力撻,上面有個生日牌
我仲驚喜點解佢有時間擺入去,因我地食完BUFFET,細細個CAKE我又覺得OK
佢入去廁所前畀左notebook我睇片,我以為係生日片,講下野等ROOM SERVICE送蛋糕
點知....突然....

呢班麵包超人朋友開房門入左黎

然後,MR LI由廁所出來,仲換埋恤衫...

當時佢叫我開另一段片出黎,白痴我拎左DUO支筆,自動彈左去DRAWING PAD,

CLICK唔番去T^T,蝦碌到爆
張相影到我好似唔係聽緊佢講野咁,其實我睇緊片呀!
果段你MR LI精心製作的回憶片
隨著音樂,MR LI對我許下了承諾
太感動了

仲有超有心思生日蛋糕,DIY花
感動,這是很"我們"的求婚
謝謝你為我準備這一切!!
感謝朋友們的支持和見證,有你們實在太幸福了
後來先知,原來MR LI去接待處交低匙卡,等求婚團可以上黎SET UP
嘩,難怪當日MR LI成日whatsapp啦,原來大計劃進行中,哈哈
當晚MR LI仲講番哂籌備以來的心路歷程,講過既大話,佢終於可以鬆口氣啦!

就這樣,我變了準李太
當晚的情節、回憶,我會好好的記住!
永遠愛你!

二訂@大舞臺

大舞臺既規定係首訂後一個月內要畀二訂
而二訂亦係畀訂金中金額最大既一份
早幾日MR.LI已經收到電話提示我地要係12/7前落二訂

由於果日要帶DAY CAMP,又唔想放工山長水遠去上環
我地就決定揀個星期日去

經過一個月的思考(其實好brainstorm,哈哈)
我地諗左幾條問題打算當日去問,因為下次再去,已經係大日子前2個月,到時先問實在太遲啦
好,準備好,出發啦

外貌~~好易認!


我地上到去,亦正值午市,咁岩電梯一上有吉枱,我地就可以從另一個角度睇場

今次有另一位職員joyce負責

佢好有禮貌,亦有耐性去解答我地既問題
其實要去到三訂時先會確實由邊位職員負責我地既婚宴
但joyce話呢個階段入面有任何問題都可以搵佢

好啦,我地其中一大擔心係-洗手間
因為上網睇人講大舞臺既客廁要落半層
而公公婆婆行樓梯會好辛苦,我地問joyce個洗手間係邊,再同佢講埋我地既concern
於是佢話其實如果係咁,可以去新娘房果個
咦,其實我完全冇所謂,於是,兩三下就解決了一大擔心
呼~~其餘decoration,散席,註冊安排等都有了答案
最重要既係,畀我既感覺大舞臺會願意同客人配合,我地出rundown,佢派人同我地傾
希望下年遇到個好既職員啦!

就係咁,酒席訂金部份暫告一段落
下年十月,三訂時final菜單,圍數,rundown
可以慢慢plan,又可以努力儲下錢啦!!

wedding soft music

音樂係婚禮入面都擔當重要既角色
於是....
我地好早地之前諗過婚禮出場為左要史無前例,我地會由地下鑽上黎
然後合唱一曲...好心分手....而當播完前奏
我相信當我地開口唱第一句[是否很驚訝,講不出說話]時,全場一齊o咀點頭..
哈哈哈...呢d當然笑完就算,我都唔想當日嚇親我爸爸媽媽

好啦,言歸正傳
我倆都好中意純音樂
我更睇早左一隻cd好耐
成日都同Mr. Li講,我地結婚果時不如買丫!
之後每次行過都會望下摸下,但成日又覺得未係時間買

呢日又行過cd warehouse,我又再次拎係手
Mr. Li話,"不如買啦好冇?"
我冇出聲,因為我已經揸實左啦嘛...哈哈哈
令我們都心醉的cd:

classic instrumental love songs- for your Happily-Ever-After

我並不期望我的婚禮是一個童話
只希望賓客在等候期間,不用聽洗腦的流行曲
其實除了這隻純音樂,當晚我亦想播放其他純音樂
等大家輕鬆參與我們的人生大事

第一張結婚卡

嗯...又隔了一陣
其實我們的籌備進展仍然是...原地踏步
但內心的確感到平安,因為總認為最被動的酒席都KO了
餘下的,應該不太難吧(又或者係未知要點,所以唔識驚..哈哈)

這陣子收到很多的祝福
坦白說真的很窩心,而朋友滿心的期待,更令我更有力量去籌備一個屬於我們的婚禮
朋友祝福之中,最意想不到的是...

結婚前的500多日收到第一張結婚賀卡
哈哈,真係好驚喜呀!多謝susan,你的祝福我收到哂啦!!

一打開張卡係個好靚既立體蛋糕 ^o^
呢款style我真係好中意呀!!

“完美婚禮“

落完訂之後呢幾日
不停諗到底可以開始做d咩，結婚到底要做d咩
然後又不停上forum搵資料睇blog
偶然發現呢本書-完美婚禮
由好有經驗既wedding planner Tim Lau 寫，係書局望左兩眼，咦，又ok喎
連Mr. Li 都讚好的幾句係描述新郎心聲-最怕煩，最怕找不同，最怕無聊
我地未經歷呢啲階段佢都咁有共鳴
哼。。。我。。。就做畀你睇。。。哈哈哈
等我得閒睇d，為屬於我們，有個性的婚宴做最好準備！

welcome to our journey

13.06.2013
我們的結婚BLOG終於面世了

其實實在太耐冇寫BLOG
寫呢個BLOG完全係因為想記得籌備結婚的過程心情,
將來就算失左憶患左腦退化(如果仲未執的話)都仲可以從文字了解2013年的我們
又或者係可以用黎秋後算帳..例如...結婚後CLICK去是但一篇證據大聲說:
「你睇下你當時乜乜乜...」哈哈哈
純粹講笑啦,最重要係一生人只得一次的經歷,我真係好想用心去記錄,跟好友分享感謝你,跟我們一起踏上旅程,走到2014年12月14日,
見證我們在對方的無名指套上指環,當真正的Mr&Mrs Li
(咦?講到李生宜家唔係李生咁添,KEEKEE)

雖然今日先開blog,但我會努力追番呢幾日既blog!!

550 days to go:一訂@大舞臺

12.06.13  端午節
今年端午既特別任務-落訂
坦白講,今次係我第一次去大舞臺
之前去親上環都係去HQ,唔係見工就係簽約
今日出發的心情既開心又緊張,落訂喎,結婚啦,真架喎
當然網上亦有好多人話大舞臺唔得,得個景,職員又衰.....等等
但我地真係完全冇卻步,你可以話我地傻,去第一次就落訂,
但,除左情意結,我深信凡事有兩面,衪亦有預備,
minimum charge亦係我地負擔得來的,所以,滿懷信心出發了

 去到,就被呢個懷舊得來好特別的地方吸引了
serve我地既職員係kathy, Mr Li形容佢為一個港女,哈哈
我覺得佢有禮貌既,而唔知其他係咪都係咁架呢,但呢度俾我既感覺係會跟得好貼,都好既
題外話,上網睇過話職員企得好硬好少俾優惠,我地懷住明知山有虎的心態向虎山行
結果係....咩都R唔到...哈哈哈不過我諗當我地做多D資料搜集,二訂三訂時,再來!

我地額外join了個主題婚宴佈置,到時大家有靚靚擺設同台布啦
就這樣,45分鐘,擺低$11000,人生簽最大銀碼既卡,
落實了,2014年12月14日,我們結婚了!

李馮聯婚,看著這四個字,不禁笑了

「兩日內落訂」?!

11.06.13 (tue)
話說婚紗展後曾出現小問題,感謝神讓我們安然度過,衪已為我們預備最好
於是,事隔一日,決定打去pencil mark日子,週末去落訂
但呢個星期二我地各自忙到爆,放工搭車出去時請Mr Li打去問

「係想book大舞臺...2014年12月14日....係.....哦....暫時排第三....好既好既....唔該」

坦白我坐係隔離聽到真係呆一呆,唔係掛,隔左日咋喎,竟然waitlist到第三?!

Mr Li話對方話一分鐘後覆我地,因為佢打去問下本身mark左既人係唔係真係要...
傻瓜既我的確有點點失望,因Mr Li話對方同佢講機會都幾微
我都知,要等兩對人唔要個場,真係幾微既

但..佢地又真係唔要喎  ^o^
數分鐘後,剛才的職員打黎話佢地唔要,叫我地兩日內去落訂
咁arm聽日係端午節,就一於聽日去落一訂啦

就係咁,我地約好左聽日落訂

大舞臺,我地黎啦!!!

一切由這裡開始-婚紗展6/2013

09.06.2013
我地一直都預計2014年會結婚

所以一路都有留意結婚既野,望得最多係酒席
上年差不多時候我地都有去過婚紗展,但果次係八卦居多
我地唔需要擇日,家人亦支持,其實的確好隨心,之前有諗過9月14日,貪佢係14號又係星期日
今年去婚紗展,主力睇酒席,因為家下D人好厲害,好早就開始訂,
所以都好想睇下心水日子心水地方仲有冇期..

心水地方係邊?就係MR Li 既情意結-西港城大舞臺

好啦,目標清晰,出發啦

首先要避開我地最討厭既台灣婚紗攝影ssss,衝呀衝,到左大舞臺既booth啦

其實之前上網睇過好多次,所以呢,基本上去到問左幾條問題,咦,9月14仲有喎
仲話可以pencil mark個日子,一星期內決定添
然後其實已經心有定案,不過睇睇下個日曆,12月14都係星期日,仲係冬天,一定乾爽bor
於是好快拎到共識,之後番轉頭問埋1214有冇,咦,又有喎
之後我地決定....去食飯...哈哈

拎左咁多野番去,總有三心兩意既時候
但情意結就係情意結
最後,諗住呢個星期之內去落訂,嘩,突然距離結婚好近呀!!